風言瘋語

可我……只想喝酒.

盡管今天,敏兒姐早就離開了教會,我不知這是不是壞榜樣,但我知道那時其實我心中惋惜了好久,今天看她blog上的相,應該生活得很快樂吧,長熟了十分多的樣子呢,不過我種覺得她也會有很多的不開心的,因為我覺得她和我一樣,也是個多愁善感的人呢,我們看到她總是快樂堅強的,不開心的樣子只會給少數的人看到(我估),而今天,我亦離開了教會,我亦經歷左行到沙宣門口,最後又走返屋企.其實很想念教會的,也很想返祟拜,但有d人面對唔到,也不願受教會的一些速搏,原來自己也在變得很不同了,是很想念,但並不想面對,或者,需要一點點的時間,一點點的改變,需要另一種的立場,另一種的對待態度.

07年10月5日,今日去左溫數,仲同江江,釗爺,仲有智商一起去遊車河,真係好過引,原來將部車飛到100以上既感覺係咁好嫁,今日溫數既成果都唔錯,都叫識返d野,不過今天測英文就差啦,要再努力d先得,而近來對教會卻越來越淡,我不知道為什麼會這樣,但我我感覺告訴我,的確是淡了很多…….

07年10月7日,今日本來約左人去睇戲,點之俾放我風箏,不過睇在佢係宿醉既份上,都無計,之後諗住去搵江爺出泥傾下計,點知原來成班人一齊,致於係做咩,答案就係因為無野做,所以就叫曬出泥…….之後筋伯提議周圍去遊下,結果……就係一班電單車開到好快咁周圍遊……太太好啦,我鍾意遊車啊~~之後就係同人約左好耐既一餐宵夜,近排好想搵返以前一d散開左既朋友,好懷念以前可以咁白痴,今日終於有幾個聚返一齊,不過原來,大家已經唔可以好似幾前咁白痴了,包括我自己……..

07年8月7 日,今年太多開心既事,我的20歲太精彩,我有一個很快樂的20歲生日,也有一個快樂的宿營,係7月14日的那晚,我盡興而歸,禮物很好,最好的那一份莫過於二哥的psp.太喜歡了.今年補考3科,物理,數學,英文,很麻煩,很差勁,不過好在也一一的過關,整個7 月,7月的下旬開始,到現在,幾乎都是在工作中渡過,其實工作並不是太開心,但這就是工作吧.

07年8月29日,李志能飛左去英國啦,我同佢雖然係今年先互相認識,但彼此都很夾得來,不過佢就好似粒流星咁,只係劃過我既人生,留下一堆漂亮的回憶,忘記不了同佢一齊留連魔鬼山,松山,帶狗散步的夜晚,也忘不了與他打羽毛球,游水,去荷里活餐廳食大餐的日子,開心既係終於係佢臨飛既前一日買到電單車,等佢行之同可以同佢飛返一轉,等佢死而無憾……不過送佢行哥陣,心裹真的有如江爺所講,內心總是怪怪的……唉~~又少一知己…… 

07年7月12日,今日係我正日生日,係11號晚既11點57分,李志能就打電話泥,話要霸著個電話到12點,第一個同我講生日快樂,哈哈~原來係12點正有人同自己講生日快樂係咁開心既,另外值得一提既就係第二個生日快樂,佢係野豬立送俾我既,不過係由李志能代佢轉達,原因竟然係佢睡覺,本人強烈鄙視這種行為,不過都係要多謝佢既,.

今年我想生日搞大d,多d人開心下,所以在有人承諾會無限量支持我之後,我就決定搞唱k,不過因為今日唔係星期六日,時間大家都唔係好就,所以就決定左係14號去唱,就係因為咁,有d人既禮物我就要哥日先收到喇,不過今日既收穫都好豐富,李志能因為要去旅行, 14號泥唔到,所以答應我旅行返泥之後請我去荷里活到鋸扒,而我既好同學兼教會既銖弟兄Thomas就畫左幅好靚既畫俾我,心記又送左本書書俾我,我妹專登去高士得買我最鍾意食既蒜容包俾我食,頭先夜晚仲有牧c一家請我去食宵夜,哈哈~今天的感覺真的很幸福.多謝大家對我咁好.

07年6月22日，21，22日係宿營既兩日，兩日既宿營，很快樂，是的，十分十分的快樂，一個學年，能有一個這樣美滿的宿營作為句號，無悔了。宿營期間可能前期的遊戲有點悶，那時自己的心也有點不安的，畢竟之前同人講:放心啦，我好耐無搞過d大型既野玩啦，不過我今次真係好有心搞，一定好玩既。但係前期遊戲大家熱情都不太高，我就開始有點擔心起來了,盡管期間有幾個人玩遊戲輸左比我地掉左佢地落水，但幸好，之後晚上既燒烤還過得去，而燒烤之後，可能d人食得飽得滯。再去玩既時間就有點混亂。不過之後整個營會既高潮就泥啦，水彈大戰，水鎗大戰，玩水大混戰，掉人落水。哈哈，忘不了啊，之後沖涼，我就未試過同6個人一齊沖涼，仲要三個人逼埋一個格的那種，笑到我扑街，再之後，就係成班男仔走左去女仔房到拉曬佢地d床墊落地下玩摔角，玩左成晚，搞到班八婆都無得睡覺，哈哈，這晚太痛快了。現在我覺得我腹肌大塊左好多，那是因為笑得我個肚成晚都無停過。感覺這一天的歡樂比過去一年裡的還要多。這次的宿營，小弟忘不了。